(المنتدى جديد ويحتاج مشرقبن ومراقبين ومشرفات ومراقبات ) 
رشح نفسك 
احم احم
نحن هنا
شوفوا بقى انا هاقدم هنا حاجة شبة حلقات منفصلة متصلة
يعنى حلقات متجددة كل حلقة مستقلة عن الاخرى
او بمعنى اصح كل حلقة ممكن تكون بتقدم مشهد او حدث
تجربة جديدة يمكن تعجبكم
اول مشهد اليوم
فى مكتب هندسى موجود فيه مهندس ومهندسة
البشمهندس عمر والبشمهندسة ندا
دول اتنين اجارك الله منهم شبة مجانين كده لا بيطيقوا بعض
ولا كلام بعض معرفش ازاى حطوهم سوا بس هى القسمة كده
عمر .. 35 سنة و أعذب باختصار شاب نقدر نقول عليه عانس هههههه
زى بتوع الايام دى( بس قمر وطول بعرض زى ما ندا بتقول عليه فى نفسها )
بس لازم توريلة العين الحمرا علشان ميحسش انها ضعيفة ويستعبطها فى الشغل
وندا بنت عندها 28 سنة يعنى هيا اللى رافضة الجواز ال يعنى بتنقى ومش هتاخد اى حد وخلاص
( بتستهبل يعنى زى ما عمر بيقول عليها فى السر بينه وبين نفسه كده )
الصبح ندا قاعدة فى المكتب عمالة تراجع الشغل المطلوب منها
دخل عمر من الباب سرحان ومبلم قال التحية والسلام وسكت على غير المعتاد
ندا .. مالك يابنى فيه ايه زرعتها قمح طلعت بطيخ
عمر .. والنبى سيبينى فى حالى انا زهقان وقرفان
ندا .. ليه بس يعنى حصل ايه ؟ هاقولك هو يعنى انا بس حابة اطمن عليك
حاجة حصلت عندك فى البيت ؟
عمر ..لا ابدا كل شئ كويس
ندا .. طيب فضض يمكن ترتاح
عمر .. ايه الحنية اللى مغرقاكى النهاردة دى مش بعادة يعنى
ندا .. ابدا تقدر تقول فضول بس لو مش عاوز تحكى خلاص الحق عليا ان بساعدك
يابنى قول بقى تعبتنى فيييك ايه الله
عمر .. من غير زعيق بقى
اصل بصراحة ماما جابتلى عروسة
ندا وهى مرتبكة وبتحاول تكون عادية .. طيب فيها ايه هو العرايس بتخوف
عمر .. لا .. بس مش عارف اركز ولا اقول اه او لا
ندا .. ههههههه انت محسسنى انك انت البنت يا عينى على الرجالة
عمر .. باقولك ايه يا تتكلمى عدل يا تسكتى انا مش ناقصك
ندا .. خلاص خلاص متزعلش قول اه وريح نفسك قبل مت تقعد زى البيت الوقف
ههههههه
عمر .. انا بردو ههههه والله فيه ناس ناسية نفسها
ندا .. انت بتضحك عليا طيب اتفضل بقى متكلمنيش تانى
ولفت الكرسى وادته ظهرها وهى عمالة تدعى فى سرها
يارب يكره العروسة دى ويشوفنى اعمى البصر والبصيرة ده
عمر .. بس على فكرة انا لاقيت عروسة تانية افضل
ندا .. وهى مش بصالة بس قلبها بيدق مين اللى هترضى بيك العمشة دى
عمر .. واحدة لسانها زى المبرد وعاملة زى العسكرى طول اليوم شخط ونطر
هههههههههه
ندا .. مين دى يا ترى هئ دى اكيد واحدة من سجن القناطر هههههههه
عمر .. تصورى ممكن ههههه بس تفتكرى جابوها عندنا ليه تهذيب واصلاح ههههههه
ندا .. يا سلام اهو كويس انك لاقيت واحدة وخلاص
( فى سرها يارب تتشل انت وهيا وانتم فى الكوشة قادر يا كريم )
عمر .. امين يارب يسمع من بقك ربنا بس هى لوحدها بس حرام انا صغير ومقطقط هههههههه
ندا.. ايه هو اللى امين ده
عمر .. انها تتفرم تحت عربية والا حاجة اصلى حاسس انك مفروسة وبتدعى علينا ههههههه
معلش متزعليش مسيرك تلاقى حد يعطف عليكى ويلمك
ندا .. اهو انت يا ... بص اخر كلام بينى وبينك ده
عمر .. طيب بس بقولك قبل ما امشى انا رايح للعروسة النهاردة بالليل الساعة 7
ياريت تكونى جاهزة
ندا .. وانا مالى اما انت غلس بشكل حاجة تجنن
عمر .. علشان العروسة اسمها البشمهندسة ندا .. سلام
ندا .. فاتحة بقها ومتنحه .. ايه بتقول ايه
ووقعت مغما عليها من كتر الصدمة ههههههههههه
وتوتة توتة فرغت الحدوتة حلوة والا ملتوتة
يارب تعجبكم
» من أجمل ما قرآآآآآآآآآآآآآآآآآآآآآآآآآآآآآآآآآآت
» كم منا يريد ان يرى المصطفى فى منامه
» كيف نعشق الصلاة
» نكت 2012
» نكت جامده جدا
» اجمل و اجمد و اروش نكت
» نكت بخلاء