(المنتدى جديد ويحتاج مشرقبن ومراقبين ومشرفات ومراقبات ) 
رشح نفسك 
قصــة حـــب فـــ ايطاليــا ـــي
الساعه 8 صباحا ، راكان كان نايم ع ظهره قام واخد جواله وشاف الساعه
.. : يوووه والله تونا بدري اف ......
قام راكــان غسل وجهه وليس البدلة يلي تاخد العقل ومحدده جسمه النحيل المعضل
راكان وهو يصلح شعره ويعدل فيه : أكيد اختي ريناد قايمة الحين عشان تروح تأخد شهادتها ....
راح راكان تحت وهو نازل سمع همس احد بالمطبخ ... دخل المطبخ ....
ركان متفاجيء : رينــــــــاد ماشاء الله عليك وش تسوين ف المطبخ ...
ريناد تناظر راكان من طرف عينها : طيب قول صباح الخير قول شيء مو كذا تدخل وبس ....
راكان مبتسم ومقرب من ريناد : ولايهمك صباح الخير يااختي ....
ريناد تناظر راكان من تحت لفوق : ايه وش ذي الكشخه وين رايح بذا الصبح ....
ضحك راكان وباس اخته من راسها : بروح افطر برا أخذا جوا بالسيارة
ريناد بضحكة شريره : ااااايــه وانا اقول وش ذي الكشخه ....
راكان مبتسم : يلا تأمرين ع شيء خيتو ....
ريناد بحب : لا ياخيو سلامتك ....
خذ راكان
نظارته الشمسية وخذ جواله وطلع من الباب الرئيسي للقصر الكبير والسواق جهز
سيارة راكان (( بنتلي كوبيه )) فتح باب السيارة راكان يكلم نفسه : وين
تروح ياراكـان ... !! ..
امممم وين اروح .. !! .. يلا خلني اخذ جوله ع الرياض
ركب
السيارة وراح لف الشوارع ماخلا شارع ماراحله ولاحي ماراحله وكان يدور مكان
عشان يفطر فيه لانه كان ميت من الجوع كان مسرع من بين الاحياء الي فجأة صار
له حادث بسيط بسيارة موديلها جديد ونزل راكان ع طول الا شاف اللي يسوق
سواق واللي وري فتاه ... نزل السواق يهاوش
السواق بعصبيه : انتا مافي شوف
راكان يهدي الوضع : ياابن الحلال اسفين ماكان قصدنا
الا انفتح الشباك يلي ورا السائق
( البنت ) بصوت ناعم : يلا اركب ياعلي ( علي يلي هو السائق ) بسرعه تأخر موعد الطيارة
علي متجه للسيارة : مدام كيف روح وهذا كفر مافيه كويس .....
( البنت ) : تتأفف : أأف يرررربيه
راكان حس بموقف حرج علي ان هو اللي سوي هذا كله وكان يبي يصفي النيات : أنا اوديك ولايهمك
( علي ) : مدام يارا اركب بسيارة هذا ولد انا انتي .. !! .. عشان روح مطار ...
عرف راكان اسم البنت وقال لنفسه : عاشت الاسامي والله ...
يارا بأستعجال : طيب معلش نستعجل .. !! ..
راكام بأداب : يلا حياك الله ....
أخذ راكان الشنط حقت المدام يارا وحطها بسيارته .. ودق ع السواق حقه عشان يجي يشوف السيارة حقت يارا .....
ركبت يارا سيارة راكان بس السواق ماركب طبعا يعني قولوا بس يارا وراكان ... ويارا راكبه وري .....
ركب راكان وابتسم ليارا : يأأختي لاتخافين اعتبريني اخوك ...
... وهم ع الطريق ما تكلموا ولاكلمة .. بس راكان يبي يكسر حاجز السكوت
راكان بابتسامة وخوف : ممكن اعرف اسمك .. !! .. اذا كان عندك مانع .. !! ..
يارا مكتفة يدينها : ليه تبي تعرف .. !! ..
راكان تمني انه ماسألها ذا السؤال وهو اصلا عارف اسمها .. : خلاص مو لازم أعرف اسمــــ .... (( قاطعت يارا راكاان ))
يارا : اسمي .. يارا .. !! ..
سكت راكان 3 ثواني وخذ نفس : عاشت الاسامي ..
يارا بود : عاشت ايامك .. مادامك عرفت اسمي اجل وش اسمك ..!!..
ابتسم راكان ورفع حاجبه : ليه تبين تعرفين ..!!.. (( وحدة بواحدة ))
لفت وجهها يارا من جهة الشباك : كيفك مو لازم أنــ .......
(( قاطعها راكان ))
وقال بصوت دافيء ورجولي : راكان اسمي راكان
ماكان يدري راكان وش وري الطرحه لان يارا ابتسمت ابتسامه تجنن وعضت شفتها ..
وصلوا للمطار .......
فتح راكان باب السيارة ليارا ونزل شنطتها وساعدها ..
يارا بخوف وارتجاف : يمـــــه
راكان يضحك : وش فيك خايفة ..!!..
يارا بتوتر : ايه والله هذي اول مرة اجي المطار
راكان مستغرب : جد والله هذي اول مره..!!..
يارا : ايه والله ..
راكان رفع حاجبه باستغراب : طيب ليه تسافرين ومامعك أحد ..!!.. وين رايحه ..!!..
يارا :
أنا رايحه ايطاليا واهلي كلهم هناك وانا بس هنا يعني انا هنا ف بيت خالي
وامي ارسلت بطاقة السفر وكل شيء وخالي مايقدر يترك عياله وشغله ويروح معي
راكان ميت من الضحك : وانتي الحين ماتدرين وش السالفه ..!!..
يارا بصوت بريء : ايوة مدري وش السالفة ..!!..
راكان مبتسم : طيب عطيني جوازك اوديه هناك ..!!..
يارا : لا ماراح بعطيك ...
راكان بصوت عالي : ليـــه ..!!..
يارا رفعت حاجبه وناظرته من طرف عينها : انت عارف ان فيها صورتي ولا...
ابتسم راكان : يابنت الحلال اوثقي فيني
ناظرت يارا عيون راكان الناعسة العسلية اللي تلمع : طيب خذ وراح استناك هناك
.. راح راكان وعطي حق الجوازات .. (( النساء )) عشان يشوفون متي موعد الطيارة وصاحبت الجوازات مده يدها الا طاح الجواز ع الارض
( المشرفه ) : متأسفه والله ..
راكان بود : لا عادي حصل خير ..
الا صار الجواز مفتوح وفيه صورة يارا .. يناظر راكان بصوره يارا ماقدر يوصف جمال يارا ..
راكان بنفسه : ماشاء الله جمال واخلاق وادب ...
أخذ الجواز ودق ع اهله وقال ان عنده سفره بالمره ضرورية ...
راح راكان ليارا : يا يارا بعد ساعه ونص موعد الطيارة ....
حست يارا أنها ضايعه : طيب يعني اروح يعني هناك وش اسوي ..!!..
فقعد راكان يضحك عليها : ههههه اسمعي انا دقيت ع اهلي وقلت لهم اني راح بسافر معــكـــ ....
يارا مو مستوعبة ابدا : ااااايـــش ..!!..
ابتسم راكان وقعد يحك راسه : اسمعي يابنت الحلال انا قلت لاهلي انهم يجهزون اغراضي ويخلون السواق يجيبها باسرع وقت .. فهمتي ....
عقل يارا بوادي وهي بوادي ثاني : يعني بتروح معاي ..!!!!..
راكان : ايـــوهـ .. بروح معاكي .. هههههه
(( اتمني تفاعلكم ))
» من أجمل ما قرآآآآآآآآآآآآآآآآآآآآآآآآآآآآآآآآآآت
» كم منا يريد ان يرى المصطفى فى منامه
» كيف نعشق الصلاة
» نكت 2012
» نكت جامده جدا
» اجمل و اجمد و اروش نكت
» نكت بخلاء