خايف اخطبها تكلم حد غيرى فى غيابى

بسم الله الرحمن الرحيم


انا عايز احكى مشكله فى الزمن ده ان كل الجيل الى طالع اغلبيته مش كويس وخصوصا البنات كتير منهم مش كويسين لكن الى محيرنى اذاى احاول اثق فى البنت الى هاتكون معايا انا نا وى ان شاء الله ارتبط بواحده قريبتى لكن
محترمه اخلاقها عاليه جدا ومتربيه على ايدى هيا لسه فى ثالثه ثانوى وفى ود بينا وتبادل اعجاب انا مستنيها تخلص الثانويه وهيا فى اولى كليه هاقرا الفاتحه مع اهلها لكن الى محيرنى اخطبها ولالا عشان اخاف اخطبها مثلا السنه الجايه واسافر اسيبها تدخل الكليه واه من الكليه هيا الخوف منها ممكن تعرف حد تانى فى غيابى وكتير شوفنا من كده الواحد يمشى ويسافر ويكون نفسه ويرجع يلاقيها بتكلم واحد فى غيابه وساعتها طبعا انا هافشكل الخطوبه
وهاتكون طبعا مشاكل بين العلتين

فانا حيران اكلم اهلها السنه الجايه واخطبها واسافر وفى الحاله دى اخاف تعرف حد فى غيابى وساعتها هاسيبها وهايكون فى مشاكل بينا وممكن والدتها ماتكلمش والدتى لانها بنت خالتى

ولا استناها لما تخلص الكليه واعرف ان كانت كلمت حد فى غيابى ولالا ان كلمت حد مش مشكله مش لزمانى وساعتها اخطب واحده غيرها
لكن لو طلعت ماكلمتش حد اتقدملها وساعتها هاقطع الشك لكن الخوف هنا ان ممكن تتخطب وهيا بتدرس فى الكليه من اى واحد يتقدملها ويبقى كده لاطلت ابيض ولا اسود فاى حل اختار