شاطي الراحه

يسعدني اقدم هذي القصيده والصراحه هذي القصيده طالعه من قلب
واتمنا انها تنال اعجابكم

وأي احد عنده ملاحظات على الابيات انا اتقبل النقد بروح شاعريّه

الاحـــــــــلام تحــــــقيقها حاجــــةٍ عسره****لو مااحقق حلمي نفسي ماهي مرتاحه
ماني قايل ياحســـــــــــــافه ولاّياحسره****لكن بضيــــــق ان كان تبــغـــون الصراحه
وضيقي سهلٍ على الجاهــــل انه يفسره****الادمي يتضـايــــــق لا قـــــلّـــــت ارباحه
احــــــــدٍ يفوزه القـــــــدر واحــــــدٍ يخسره****وكلٍ يرضـــــــــى لـــو القــــدر زوّد جراحه
وترى الشــــــعـــر ابياتٍ موزونه ومنكسره****وانا اسمع للي ينقد الشـــــــعر بسماحه
لامن صفا الجو الفــــــكـــــر ينفــــــكّ أسره****ويبدى الابــداع من اوّل مايطلــق صراحه
وابدع ابياتٍ متماســـــــــكه كــــــما الاسره****واصبروا كم سنه وابـــــدخــل بها الساحه
وترى الصعيــــــبـه يبي لها نـــــــاس جسره****ولا جا وقت الجـــــــد لحدٍ يكــــــــثر مزاحه
الدروب المتــــــعسره تصيـــــــر متـــيـــسره****عقب الجــــــد والجـــــهد من غير استراحه
وبحر الشعر كنت انا امشـــــي على جسره****وذلحين تفاكيري في البحــــــــــــر سبّاحه
بتعب وبـمــــــشــــــــي لو انّ الدروب عسره****ومابرتاح الاّ في مســــرح شاطي الراحه




وسلامتكم